طبعا انتو مستغربين ان في حاجه اسمها نصيحه فموقع برامج وهكر......بس لأي شخص بيدخل شات لازم يقرا النصيحه دي ولو حتي معملش بيها مش مهم عندي بس المهم انه يقراها قبل مايحمل او يشوف اي حاجه فموقعي عشان يبقي العيب عداني وأزح.
النصيحه لكل شخص دخل شات وخصوصا النم بز وشايف انه عايش في حياه تاني وممكن بتنسي اي هموم فحياته العاميه...لأ ياصحبي فوق عشان انت فغيبوبه كده ونسيت حياتك الأصليه ودنيتك الطبيعيه وحبست نفسك جواه ومش حاسس انك بتصعب ع نفسك حياتك الي غالبا نستها.في ناس هتقولي ده مجرد تسليه وبنتصاحب ع ناس جديده.اقوله مفيش حاجه فالشات اسمها صحاب ولو حتي حصل منه ايه فصالحك هتستني بقي مره يبيعك فيها وبأرخص ثمن وانت كمان يالي بتقرا دلوقتي اسأل نفسك وشوف انت قدرت مين وباعك وبعت مين وهو جدع معاك وبعدها احكم ع كلامي...و ع فكره انا بقالي سنه وشويه فالنم بز كنت مفكر ان عندي اصحاب كتير بس اكتشفت بمرور الأيام انهم عيال وانا شخصيا عندي صديقين بس فالشات ده والباقي مصلحه بس وميسواش.
وكمان الشباب الي بتدخل عشان البنات بس ودول الأكتريه اقوله ركز يابني ومتمشيش ورا اوهامك ان في بنت وحده فالشات ده تتصاحب او تتحب عشان اولا لو صاحبتها بجد كبرها معاك شهر وتنساك او تخونك مع اول حد يعدي قصادها وتانيا مفيش حاجه اسمها حب فالشات وده طبعا كلام فاضي بس احنا بنكدب ع نفسنا عشان ننسي ذكريات تجرح.
وكمان يابنات متفكروش ان في شاب عايز يحب او يصاحب بنت من الشات بجد لا اصحي عشان كل الشباب وراهم غرض واحد بس.
وانا عارف كله هيختلف معايا فالرأي ده بس كله هيعرف انه صح اما تحصله حاجه من ده.
أنا قولت الي نفسه اقوله وأنصح بي الشباب والبنات وانتو حرين فأختياركو.
http://www.kingbebo.hexat.com